Në Brasilia të Brazilit, një nënë ka arritur ta nxjerrë të birin nga vetura që ia vodhën dy persona.
Gruaja e paidentifikuar, kur e ka kuptuar se po ia merrnin veturën, e ka hapur derën dhe e ka tërhequr fëmijën.
Por, në momentin që duket se gjithçka përfundoi, vërehet një gjë tjetër e frikshme.
Rrobat e gruas janë kapur nga dera e automobilit të kuq, dhe ajo po tërhiqej zvarrë.
Në videon e regjistruar nga ballkoni, shihet gruaja që me shumë mund arrin të largohet nga vetura në lëvizje.
Policia është duke kërkuar grabitësit, por ata së bashku me veturën e vjedhur janë fshehur pa lënë gjurmë. /a.m.
