Tifozët e Argjentinës në Buenos Aires dhe në mbarë vendin gjatë gjithë javës kanë festuar për vendin e parë në Kupën e botës. Mijëra tifozë janë dyndur në Plaza de la Republica për të përshëndetur lojtarët e Argjentinës në paradën e tyre të trofeut, duke bërë që skuadra të transportohet jashtë qytetit me helikopter.
Së fundmi është publikuar një video, ku shihet një tifoz i zhveshur i Argjentinë. Ai ndodhej mbi një makinë duke i rënë daulles, por është rrëzuar në tokë pasi humbi ekuilibrin kur makina mori një kthesë të fortë.
Në video shihen dy tifozë mbi një makinë në lëvizje duke brohoritur. Mbrapa tyre është dhe një makinë tjetër me tifoza duke filmuar, kështu kanë arritur të kapin dhe momentin e rrëzimit të tifozit lakuriq.
Në momentin që ai rrëzohet, në video dëgjohen të qeshurat e tifozëve të tjerë, ndërsa burri lakuriq nuk pësoi ndonjë dëmtim, u ngrit me vrap nga toka.
/a.r
