Mbreti Charles III dhe gruaja e tij Camilla vizituan Cardiffin, i cili u bë destinacioni i parë i çiftit mbretëror në Uells që nga vdekja e Mbretëreshës Elizabeth II.
Camilla po shoqëronte burrin e saj, Mbretin Charles III, në një shërbim për mbretëreshën e ndjerë në Katedralen Llandaff, kur u duk se u pengua. Në një video të publikuar nga Daily Mail, ajo shihet duke rrëshqitur por vazhdon të ecë pranë të shoqit. Po ashtu, nuk ngurron t’i buzëqeshë edhe audiencës, duke i qetësuar se është mirë.
Por, duket se këto ditë nuk kanë qenë të lehta për të. Një burim i tha gazetës se ajo po “vazhdonte” punën për të mbështetur Mbretin gjatë një jave të lodhshme emocionalisht dhe fizikisht./m.j
