Pëllumb Pilinçi së bashku me anëtarët e kabinetit të tij ka vizituar ditën e sotme qytetin e Korçës ku dhe është takuar me mbështetësit.
Ashtu sikurse dhe në vendet e tjera, edhe në qytetin juglindor, profesori i cili më herët ka shpallur “qeverinë teknike”, shkoi i blinduar deri në “dhëmb”, me bodygard dhe automjet luksoz.
Ka qenë demokrati besnik i Sali Berishës, Ilir Vrenozi ai i cili ia ka bërë “llogaritë” Pilinçit duke bërë me dije se vetëm automjeti i kushton mijëra euro.
Sipas tij limuzina me të cilët ai qarkullon nëpër qytetet e vendit ka qiranë ditore 500 euro.
“Kjo limuzina është 500 euro qiraja në ditë. 30 ditë nga 500 euro 15 mijë euro. Për Zotin e Madh, 500 euro është limuzina. Hajde, hajde. Po shikoje ore, vazhdon, veta janë aty, turp i Zotit”, dëgjohet të thotë Vrenozi në videon e postuar.
Përgjatë javëve të fundit profesori shqiptari-amerikan, së bashku me mbështetësit e tij, kanë qenë në qendër të mediave kjo për shkak të premtimeve dhe zotimeve që ai ka bërë.
Pas Thethit i cili muajin që lamë pas ishte nën “sulmet” e fadromave, ai u ndal në Kosovë ku dhe shpërndau mesazhet e tij të larta patriotike si dhe programin se çfarë pritet të ndodhë ky ai të vijë në pushtet.
Pas vizitës në Kosovë, ai u ndal në Vlorë ku dhe prezantoi 13 ministrat e tij dhe tre drejtorët. Përpos këtij prezantimi, Pilinçi i shpalli “luftë” kreut të qeverisë, Edi Ramës i dhe paralajmëroi se shumë shpejt do të ketë arrestime në radhët e socialistëve, por edhe të demokratëve.
