Rastet e dhunës nuk paskan të sosur ditën e sotme në futbollin shqiptar. Pas dhunës së ushtruar në Pogradec, edhe stadiumi i Peshkopisë është kthyer në një arenë sherresh.
Ndeshja Korabi-Kastrioti, e vlefshme për Kategorinë e parë është kthyer në një arenë sherri masiv. Rreth 1000 tifozë të Korabit janë futur në stadium dhe kanë sulmuar futbollistët e Kastriotit duke i goditur me mjete të forta.
Ambulanca ka marrë disa të plagosur, ndërkohë që tifozët krutanë kanë qëndruar për minuta të tëra brenda stadiumit nën mbrojtjen e policisë. Edhe futbollistët u izoluan brenda stadiumit nën ruajtjen e policisë.
Në redaksinë e Jetaoshqef.al ka mbërritur një video ku shihen disa policë të FNSH-së, të cilët duken se po neutralizojnë një tifoz të Korabit.
Sipas raportuesit, policët e Forcave të ndërhyrjes së shpejtë janë duke dhunuar tifozët e Korabit./a.m.
Erlind Korreshi, mesfushori lushnjar i Kastriotit, i dhunuar në Peshkopi pas ndeshjes.
