Një ngjarje e pazakontë ka ndodhur pasditen e sotme në qytetin e Beratit. Drejtuesi i një mjeti me targë AA295NT, ka shpëtuar për mrrekulli, pasi një pishë ka rënë mbi makinën e tij teksa ishte në ecje.
Pamjet që vijnë nga vendngjarja për “BalkanWeb” tregojnë sesa serioze ka qenë vërtet situata, pasi degët e pishës kanë mbuluar thuajse plotësisht makinën.
Pisha e rrëzuar, e cila ka mbuluar të gjithë gjerësinë e rrugës, ka zënë poshtë edhe kabujt e energjisë elektrike.
Menjëherë në vendngjarje ka mbërritur ambulanca, dhe forcat zjarrfikëse. Sakaq, aty janë mbl;edhur edhe banorë të zonës, dhe drejtues të tjerë të mjeteve, që po lëviznin në këtë rrugë.
