Belind Këlliçi ka vijuar me premtimet e tij të bujshme. Pas autobusave falas, ai ka thënë një ditë më parë se do të ndërtojë dy tunele poshtë sheshit “Skënderbej” për të lehtësuar qarkullimin në Tiranë.
Këlliçi tha se projektin e ka konsultuar me urbanistë, ndërsa theksoi se parkimi që gjendet aty nuk do të preket. Sipas Këlliçit, kostoja arrin deri në 5 milionë euro.
Këlliçi u ndal edhe te premtimi tjetër kryesor i fushatës së tij, transporti publik falas. Ai tha me një matematikë të thjeshtë, ky shërbim kushton vetëm 17 milionë euro në vit dhe zë një pjesë të vogël të buxhetit bashkiak./TemA
/s.f
