Nata që lamë pas nuk ka kaluar aq qetësisht për qytetarët vlonjatë. Rreth orës 3 të mëngjesit të sotem ata kanë dëgjuar një zhurmë të madhe poshtë pallateve në zonën e lungomares.
Bëhet fjalë për shpërthimin e një automjeti, i cili nuk dihet nëse është aksidental apo i shkaktuar nga faktorë të jashtëm, por që ka shqetësuar gjithë banorët e lagjes.
“Është ora 3 dhe ndodhi një zjarr në një pallat në zonën poshtë lungomares. Për fat të mirë zjarrfikësit erdhën brenda pak minutave dhe kanë stabilizuar gjendjen. Ka vetëm dëme materiale”, – shkruan raportuesi.
Një qytetar tjetër, i cili ka sjellë edhe pamjet filmike të momentit të shpërthimit, bën me dije se në këtë lagje prej disa javësh po vidhen kasetofonët dhe bateritë e automjeteve. Ndoshta ka qenë vjedhja e radhës e shkuar huq, ku i dihet.
Le të presim zbardhjen e këtyre ngjarjeve, të cilat, për fatin e mirë kanë pasur vetëm dëme materiale./JOQ/a.m.
