13 persona janë plagosur pas një aksidenti automobilistik në Kinë.
Teksa ecte me Benzi-in e saj luksoz, një grua ka marrë përpara një grup këmbësorësh që po kalonin në vijat e bardha.
Pamjet janë filmuar nga kamerat e sigurisë ku shihet se si makina tip “Benz” futet me semafor të kuq dhe përplas njerëzit.
Shoferja e mjetit, është identifikuar si një 45-vjeçare dhe është justifikuar se ka shtypur aksidentalisht pedalin e gazit.
Hetimet preliminare tregojnë se shoferja 45-vjeçe po mundohej ta merrte një shishe me ujë në karriget e pasme, kur pa dashje shtypi pedalin dhe goditi këmbësorët./m.j
