A2 ka siguruar videon e plotë të sulmit me thikë të Rudolf Nikollit ndaj besimtarëve brenda dhe jashtë xhamisë “Dine Hoxha”, në Rrugën e Kavajës.
Në pamje, shihet 34-vjeçari që sulmon në rrugën përpara xhamisë disa persona, para se të hyjë në xhami dhe t’i vërsulet personit të parë që shikon. Pasi e kupton rrezikun dhe largohet nga agresori, Nikolli i drejtohet një tjetër personi, të cilin e godet dy herë me thikë.
Më pas, nis të vrapojë nëpër xhami në ndjekje të besimtarëve të tjerë, derisa del sërish në rrugë duke i vrapuar nga pas besimtarëve.
Rudolf Nikolli akuzohet për “akte për qëllime terroriste” dhe çështja ndaj tij i ka kaluar antiterrorit. 34-vjeçari plagosi 5 persona, dy prej tyre i qëlloi me thikë jashtë ambienteve të xhamisë. Më pas, hyri në objektin e kultit duke plagosur dhe tre persona të tjerë. Kjo ngjarje shënoi rastin e parë në Shqipëri, ku një person kryen një akt të tillë në një objekt kulti.
/a.r
