Katër persona janë arrestuar nga policia e Vlorës, në kuadër te operacionit te koduar “ORIKU”, gjatë të cilit u sekuestruan armë e municione.
Policia njofton se u arrestuan shtetasit Viktor Durmishaj, 49 vjeç, lindur në Fier, banues në Radhimë – Vlorë; Rilind Kutelaj, 29 vjeç, banues në fshatin Dukat i Ri, Xhovalin Hodo, 23 vjeç, banues në Orikum dhe Denald Hoxhaj, 21 vjeç, banues në Orikum.
Ata akuzohen per “Prodhim dhe mbajtje pa leje e armëve luftarake dhe municionit”.
“Arrestimi i këtyre personave u bë pasi në automjetin tip “Audi” me targë AA124FZ, drejtuar nga shtetasi Rilind Kutelaj, duke udhëtuar në aksin rrugor nga fshati Dukat në drejtim të Orikumit, janë kapur në flagrancë buzë detit pranë vendit të quajtur “Pashaliman”, duke poseduar me vete 1 armë zjarri “Pistoletë model 57” bashkë me 5 fishekë (i”u gjet në brez drejtuesit të mjetit), si dhe brenda në automjet është gjetur 1 armë zjarri tjetër “Automatik model 56, bashkë me 5 fishekë, nën shoqërinë e shtetasve të tjerë të arrestuar”- njofton policia.
Gjithashtu, shtetasi Denald Hoxhaj, akuzohet edhe për veprën penale “Kultivimi i bimëve narkotike”, pasi gjatë kontrollit të ushtruar në banesën e tij, janë gjetur dhe asgjësuar disa bimë narkotike “Cannabis sattiva” me lartësi 160 cm.
U sekuestruan
1 automjet tip “Audi” me targë AA124FZ,
1 armë zjarri “Automatik model 56”,
1 armë zjarri “Pistoletë model 57”,
2 krehëra,
10 fishekë të kalibrit 7.62 mm,
5 aparatë celularë.
Panorama/d.i.
