Katër notarët olimpikë të SHBA-ve, përfshi këtu edhe kampionin Ryan Lochte, deklaruar dy ditë më parë se i kishin rrëmbyer në rrugët e Rio de Janeiro-s, por rezulton se e vërteta ka qenë komplet ndryshe. Një kamera sigurimi i ka kapur notarët duke vandalizuar në një benzinatë në qytetin që mirëpret lojërat olimpike. Sipas raportimeve të medias ata ishin të dehur dhe për pasojë, kanë bërë edhe disa dëme materiale në stacionin e karburantit.
Notarët thonë se sapo ishin larguar nga rezidenca e sportistëve francezë në fshatin Olimpik të dielën në mëngjes, taksia e tyre ishte ndaluar nga persona të armatosur të cilët janë paraqitur si policë dhe u kërkuan paratë dhe sendet me vlerë që kishin me vete.
Por, pas shqyrtimit të kamerave të sigurisë, rezulton që djemtë vijonin t’i kishin me vete sendet personale që i kishin deklaruar të vjedhura. Mospërputhja e deklaratave ka bërë që të lindë mister në skemën e grabitjes së sportistëve.
Aktualisht 3 prej notarëve janë ndaluar në aeroport ngaforcat e policisë braziliane, ndërsa Lochte, është larguar një ditë më parë drejt SHBA-ve.
