VIDEO/ Një krijesë e mistershme në liqenin shqiptar

Një video amatore, e cila është duke bërë xhiron e botës tregon se në Liqenin e Prespës është parë koka dhe qafa e një krijese të pazakontë që po dilte nga uji.

Banorët e zonës janë shprehur se kjo krijesë është padyshim versioni europiano -lindor i monstrës së “Loch Ness”.

Siluaeta e kësaj krijese tërësisht të pazakontë për ujërat shqiptare është parë duke lëvizur lart e poshtë e më pas duke u zhdukur brenda në ujë.

Gjithashtu sipas banorëve të zonës kjo krijesë ngjan mjaft me një tjetër të xhiruar rreth 5 vite më parë afër fshatit të Nivicës. E gjithë kjo ndodhi  zgjoi interesin dhe kuriozitetin e disa gazetarëve të huaj, të cilët së bashku me një professor gjeografie të dalë në pension, Sima Jonoski kanë realizuar një tur në këto brigje, por pa patur fatin të gjetur ndonjë shenjë nga “monstra”.

Shumë prej banorëve të zonës besojnë në ekzistencën e kësaj krijese të pazakontë, ndërsa për të tjerë banorë është thjesht një lloj peshku më i madh në përmasa, shkruan The Sun.

Sipas professor Jonoski, i cili ka qenë i parë që ka lundruar në këtë liqen në vitin 1970 është shprehur se kur një anije është mbytur në Shqipëri si dhe shumë fëmijë janë mbytur, ndërkohë që polumbarët po kërkonin për këta fëmijë kishin parë një lloj peshku gjigand.

“Ata ishin kaq të frikësuar saqë i ndërprenë kërkimet. Besoj se atëherë ka qenë një nga peshqit e mëdhenj të parë edhe nga peshkatarët grek. Megjithatë gjëra të çuditshme  ndodhin në liqenin e Prespës, të cilat nuk ndodhin në asnjë liqen tjetër, thuhet në shkrimin e publikuar nga The Sun.

Kur isha mësues në vitin 1976 pashë diçka të madhe të vinte sipër ujit, afër kufirit grek, e cila kishte formën e kërpudhës dhe qëndroi në sipërfaqe përreth 10-15 minuta,”-përfundoi studiuesi.

Liqeni i madh i Prespës dhe ai i vogël janë liqenet më tektonike në Ballkan. Legjenda me monstra nënujor janë të pranishme në shumë liqene në botë si në Liqenin e Comos në Itali, Ogopogo në Kanada, etj./Expres