Pamjet amatore të filmuara pas shpërthimit në metronë e Shën Petersburgut në Rusi, shfaqin panikun e krijuar tek qytetarët të cilët me çdo kusht mundoheshin të dalin nga treni i përfshirë nga flakët, teksa personat e përgjakur tërhiqeshin zvarrë nëpër platformë.
Videoja dy minutëshe e postuar në media rus Life News, tregon tmerrin që ishte krijuar pas shpërthimit të bombës që la të vrarë 12 persona dhe plagosi mbi 50 të tjerë.
Qytetarët e frikësuar dëgjohen duke bërtitur, ndërsa një grup prej tyre thyejnë derën e hekurt të trenit dhe dritaret nga të cilat dalin jashtë.
“Më jep dorën! Më jep dorën”, dëgjohet një burrë duke bërtitur derisa i ndihmonte qytetarët të dalin nga dritarja e thyer e trenit.
Pranë tyre shiheshin edhe disa trupa të pajetë të lar në gjak, ku disa burra i tërhiqnin zvarrë për t’i vënë në një vend më pak të frekuentuar. /a.m.
