Një operacioni i gjerë antidrogë i koduar “One milion” është zhvilluar ditën e djeshme nga policia italiane, ndërsa u konfiskua 27 kg drogë dhe u arrestuan tre persona, mes të cilëve një shqiptar.
Mes sendeve të konfiskuara janë kokainë, heroinë, një makinë numërimi për kartëmonedhat, 30 telefona celularë. Paratë ishin të gatshme për tu investuar në shit – blerjen e drogës.
Në pranga është vënë një 32-vjeçar shqiptar (personi në video), shkruajnë sot mediat italiane, por pa bërë të ditur emrin e tij.
Paratë dhe droga (me vlerë rreth gjysmë milioni euro) u zbuluan në një garazh në komunën Collegno, në afërsi të Torinos. Aty u arrestua edhe shqiptari, i cili u tha efektivëve të policisë se punonte aty si murator. Pas aksionit, që solli edhe mësymjen e policisë në 8 apartamente dhe garazhe të tjera, u arrestuan edhe dy italianët, një prej të cilëve punonte si kuzhinier raporton Express.
Në vijim të hetimeve, janë arrestuar edhe 8 senegalezë, të gjithë shpërndarës droge të lidhur me organizatën. Hetimet janë në vijim dhe priten edhe arrestime të tjera, shkruajë mediat italiane duke cituar zyrtarë italianë pranë skuadrës së hetimeve./a.m.
