Kanë nisur përplasje dhe në KZAZ nr 64 e Beratit. Përplasja mes mbështetësve të opozitës dhe policisë së shtetit.
Turma kërkon të hyjë në KZAZ dhe të nxjerrë jashtë materialet e KZAZ
Ndërkohë në Kukës situata është e tensionuar, pasi militantët e PD-së kanë sulmuar KZAZ-në numër 11 në ambientet e një palestre duke shqyer me forcë derën, pas së cilës ndodheshin efektivë të Forcave të Ndërhyrjes së Shpejtë.
Me një kamionçinë dhe një kavo të lidhur në fund të saj, ata kanë tërhequr derën e palestër duke e shqyer.
Ndërkohë, të tjerë militantë, por edhe zyrtarë të Bashkisë së Kukësit, mes të cilëve edhe Policia bashkiake, kanë qëlluar me gurë ndaj derës së KZAZ-së duke rrezikuar edhe efektivët e FNSH-së.
Zyrtarë të Bashkisë së Matit kanë mësyrë në Pallatin e Sportit Ferit Hysa ku kanë marrë amterialet zgjedhore brenda KZAZ-së dhe i kanë vënë flakën.
Militantët shihen teksa dalin të ekzaltuar nga ambientet e KZAZ-së ku më tej në një zonë jashtë Pallatit të Sportit i kanë vënë flakët nën thirrjet “Rama ik” dhe ” E duam Shqipërinë si gjithë Evropa”. Në mes të flakës kanë hedhur edhe një kosh të mbeturinave.
Gjithashtu tensione dhe përplasje ka pasur edhe në Çorovodë, ku ndodhet KZAZ-ja nr. 66. Organizatorët e drejtuar nga LSI-ja, përfaqësuesi i së cilës drejton edhe bashkinë, u mblodhën në Çorovodë, në sallën e kinemasë të pallatin të kulturës që mban emrin Riza Cerova duke tentuar që të futen me forcë, ndërsa janë ndaluar nga policia e rendit, e cila është përplasur me militantët e LSI-së.
g.kosovari
