Kryeministri Edi Rama ka postuar në facebook videon e një filmi të animuar për fëmijë. Filmi titullohet “Kush qesh i fundit” dhe ka protagonistë macen dhe miun.
“MIRËMËNGJES 😀
dhe ju uroj një të dielë të qetë, me këtë film kalamajsh për të rritur që po nuk e patë vetë të paktën tregojuani kalamajve🌹”, shkruan Rama.
Por kujt i adresohet ky mesazh i kryeministrit? Nga njëra anë opozita vijon proitestën në çadrën poërballë zyrës së Ramës. Ndërkohë, të enjten e fundit, kreu i LIBRA Ben Blushi debatoi me ish-kolegët sociliastë duke treguar edhe gjëegjëza me macen dhe miun.
Përshkrimi i filmit
Filmi përmban një histori, ku një mace është vënë në përpjekje për të ngrënë miun. Pavarësisht të gjithave, miu arrin deri në një farë kohe t’i shpëtojë kthetrave të maces. Fill pas kësaj, macja ndërron taktike, ndërsa i shkruan një letër miut ku i shpjegon se nuk do ta ndjekë më. Por, miu tregohet i kujdesshëm, por deri në fund nuk i shpëton dot gllabërimit të maces.
