SPAK me anë të një njoftimi bëri me dije se Prokurori i Sarandës Sali Hasa është arrestuar bashkë me disa zyrtarë të tjerë natën e kaluar.
Janë publikuar pamjet e arrestimit, me pranga në duar Hasa shoqërohet nga efektivët e policisë, ndërkohë që është sjellë drejt Tiranës.
Prokuroria Sali Hasa akuzohet për veprën penale të korrupsionit pasiv. Ai u arrestua passi dyshohet se ka pushuar akuzën e plagosjes për Emiljano Miranin, pasi ka marrë ryshfet nga motra e tij, Elsona Papa.
Prokurori Hasa nuk ka kaluar ende në Veting, dhe jo më larg se në muajin mars ai hoqi dorë nga gara për pozicionin e kreut të prokurorisë së Sarandës, me pretendimin se kishte probleme shëndetësore.
/b.h
