“Ajo dikur tha se jo të gjithë ne mund të bëjmë gjëra të mëdha, por mund të bëjmë gjëra të vogla me dashuri të madhe…” këto ishin disa nga fjalët me të cilat Mbretëresha e Britanisë së Madhe Elizabeta e dytë, përshëndeti të gjithë britanikët… fjalë këto të thëna nga Nënë Tereza, të cilat Mbretëresha i ka cituar. Elizabeta ka shtuar se me mijera gjeste të vogla, bota mund të ndryshojë, ashtu siç thoshte dikur Shën Tereza.
Ajo në fjalimin e saj ka dërguar mesazhin e paqes dhe dashurisë, ndërsa këtë thotë se e merr gjatë takimit me njerëzit e thjeshtë.
“Që inspironi të tjerët nuk është e domosdoshme që të shpëtoni jetë, apo fitoni medalje. Shpesh marr fuqi nga takimet me njerëz të thjeshtë që bëjnë gjëra të jashtëzakonshme: vullnetarët, kujdestarët, organizatorët e komunitetit dhe fqinjët e mirë, heronj të pakënduar që me përkushtim që i bën ata të veçantë. Ata janë inspirim për ata të cilët i njohin, dhe jeta e tyre shpesh përfshinë një të vërtetë të shprehur nga Nëna Terezë, nga ky vit Shën Tereza e Kalkutës. Ajo njëherë kishte thënë: ‘Jo secili prej nesh mund të bëjë gjëra të mëdha, por të gjithë mund të bëjmë gjëra të vogla me dashuri të madhe”, ka thënë mbretëresha Elizabeth II.
