Këngëtarja e njohur Mariza Ikonomin pasditen e sotme ishte e ftuar në emisionin “Pop Culture”, dhe si rrallë herë ka folur për jetën e saj private.
Moderatorja i ka rikthyer kohën e vjetër duke e pyetur për thashethemet që kishin qarkulluar për të, ndërsa Mariza i ka treguar atë më pikantin duke i thënë se njëherë qarkulloi një lajm ku thuhej se ishte lesbike, madje edhe i kishin postuar foto me shoqen.
“Thashetheme kam dëgjuar plot, por më i çuditshmi ka qenë që mbaj mend më kanë nxjerrë një foto me babin duke ecur në rrugë dhe ma kanë bërë të dashur. Ndërkohë dhe me shoqen time, shkruanin pse nuk e fsheh shokun por fsheh shoqen, më bënin lesbike dhe më kanë nxjerrë një foto me të”, tregoi Mariza.
Pavarësisht se përpiqet ta mbaj veten larg mediave Mariza Ikonomi disa herë është bërë pjesë e lajmeve rozë.
g.kosovari
