Majlinda Kelmendi është ngritur sërish në piedestalet më të mëdha të kontinentit tonë.
Kampionia Olimpike fitoi medaljen e artë në garat e xhudos, që po mbahen në kuadër të Lojërave Evropiane Minsk 2019.
Xhudistja rekordmene mposhti në finale me Ippon kampionen e deritanishme të Evropës, rusen, Natalia Kuziutina, të cilës i nxori ‘hakun’ për Distria Krasniqin, e cila kishte humbur në finalen e evropianit të kaluar.
Është kjo medalja e parë e artë në histori të Kosovës në dy pjesëmarrjet në Lojërat Evropiane, ndërsa për Majlindën është titulli i katërt i kampiones së Evropës, pasi garat e xhudos në Minsk shërbejnë edhe si Kampionate Evropiane.
Ndërkohë, kjo është medalja e tretë ari që Majlinda Kelmendi merr gjatë këtij viti kalendarik. Fillimisht, 28 vjeçarja që garon në peshat deri në 52 kilogramë triumfoi në Tel Aviv dhe Dusseldorf.
g.kosovari
