Dy artistet e njohura Tuna dhe Ronela Hajati kanë publikuar projektet e tyre të shtunën e kaluar. Tuna solli “Dy tima” ndërsa Ronela “Amini” mirëpo kënga e Tunës pati probleme në minutat e parë të publikimit, duke marrë shumë “dislike”, kështu ajo e bllokoi butonin “like dhe dislike”, gjithashtu edhe komentet. Në anën tjetër “Amini” i Ronelës u prit shumë mirë nga publiku duke marrë mijëra “like” dhe shumë pak “dislike” në Youtube.
Duke pasur parasysh famën, karrierën e Tunës dhe sukseset e saj me këngët “I asaj” dhe “Fenix” ku kishte miliona klikime, këtë radhë ajo për 8 ditë ende nuk ka prekur milionin e parë. Ndërkohë Ronela pas një viti pauzë në muzikë dhe pas suksesit të hitit “A do si kjo” po ecën shumë mirë, pasi kënga po vazhdon të klikohet me ritme të shpejta, raporton lajmi.net.
Aktualisht Tuna ka 944 mijë klikime ndërsa Ronela (kënga e të cilës është publikuar disa orë pas Tunës) ka arritur 936 mijë klikime në Youtube. Sipas parashikimeve, Ronela do të triumfojë në këtë “luftë” klikimesh, pasi asaj i duhen vetëm edhe 10 mijë klikime dhe të mposhtë Tunën, që shënon një sukses tjetër të këngëtares.
