LSI rrezikon përçarjen pas vendimit të kreut të kësaj partie në muajin nëntor të vitit 2015 se biznesmenët nuk do të jenë më pjesë e listave si kandidatë për deputetë. Ilir Meta tha se LSI do të kufizojë përfshirjen e biznesmenëve në përfaqësimin e partisë të tij. Lista e grupit të LSI-së në Kuvend ka shumë biznesmenë dhe ata duket të jenë shkaku i mbijetesës të LSI-së dhe Metës në politikë.
“LSI nisur nga shqetësimet e opinionit publik për një përfshirje në shkallë të gjerë të biznesmenëve në politikë, do të kufizojë përfshirjen e biznesmenëve në përfaqësimin publik me qëllim minimizimin dhe shmangien e konfliktit të interesit në maksimum”, tha Meta.
Vendimi i Ilir Metës ka sjellë shumë pakënaqësi dhe tronditje tek deputetët biznesmenë, të cilët në heshtje kanë pritur reflektimin e Ilir Metës dhe janë përpjekur ta sqarojnë se pa ata LSI-ja rrezikon të humbe shumë mandate.
Në një vëzhgim të bërë nga citynews në faqen zyrtare të Kuvendit, në grupin parlamentar të LSI-së rezulton se ka të paktën 5 deputetë që në jetëshkrimin e tyre rezultojnë të vijë nga fusha e biznesit.
Ata janë Agron Çela, Përparim Spahiu, Pirro Kapurani, Shkëlqim Selami dhe Robert Bitri.
Nisur nga deklarata e Metës, deputetët e sipërpërmendur rrezikojnë të mos përfshihen në listën e LSI-së për zgjedhjet e vitit 2017, por kjo mos përfshirje mund të sjellë pasoja. Ata mund të mos investojnë më për LSI ashtu siç kanë investuar kur kanë qenë vetë kandidatë, çka mund të sjellë uljen e votave të kësaj partie.
Përflitet se për shkak të kësaj deklarate të kryetarit të LSI-së, disa prej tyre kanë negociuar me kryeministrin Rama dhe ishin asat e tij nën mëngë në rast se Meta do provokonte qeveri teknike. Rama ka qenë i bindur se kishte më shumë se 71 vota për të mbajtur qeverinë apo për ta rrëzuar dhe çuar vendin në zgjedhje të parakohshme, dukë mos lejuar Metën të krijonte qeveri teknike me Lulzim Bashën.
Gjithçka pritet të qartësohet në prag të zgjedhjeve kur Meta të shpallë listat e kandidatëve për deputetë. Aty do mësohet se Ilir Meta e kishte të vërtetë apo lojë politike deklarimin se LSI sdo kishte biznesmenë në lista. Rikandidimi i tyre do vërtetojë edhe njëherë faktin se Meta dhe LSI pa biznesmenë dhe blerje vote nuk ekziston dot si forcë politike.
Më poshtë lista e deputetëve të LSI-së të ardhur nga fusha e biznesit, të pasqyruar në faqen zyrtare të Kuvendit.
Agron Çela
Ka zhvilluar studimet në vitet 2002-2006 në Universitetin “Luigj Gurakuqi”, Shkodër. Fakulteti i Drejtësisë, dega Juridik. |
|
| Nga viti 1991 deri në 2013 ka pasur angazhime në biznese të ndryshme private: tregti, turizëm, import, eksport. | |
| Ai ka qenë edhe president i Futboll-klub “Vllaznia”. President Ndreri i Mundjes Shqiptare.Përparim Spahiu Deputeti tashmë i përjashtuar nga radhët e LSI-së, por që në prononcimin e tij është shprehur se do të ndjekë linjën e partisë, është një person i njohur në fushën e biznesit. Pirro Kapurani Deputeti i qarkut të Korçës, Pirro Kapurani ka lindur në 24 prill të vitit 1967. Ai është diplomuar në fakultetin e Drejtësisë. Në jetëshkrimin e tij në faqen e Kuvendit, veprimtaria e tij profesionale përcaktohet biznesi. Shkëlqim Selami Deputet në qarkun e Vlorës, i lindur 2 dhjetor në vitin 1967. Nga viti 1955 deri në vitin 2004 ai ka drejtuar klubin e Flamurtarit si president i saj. Edhe Selami është një njeri i biznesit. Robert Bitri Deputeti i Qarkut të Fierit, rezulton të ketë qenë për 8 vjet administrator i kompanisë private I&G sh.p.k./citynews ma.me
|
