Liverpooli ka mposhtur 4:0 Barcelonën në ndeshjen që u zhvillua në ‘Wembley’. Liverpooli e nisi furishëm ndeshjen duke kaluar në epërsi që në minutën e 15’të, Sadio Mane shënoi për 1:0. Me të filluar pjesa e dytë, kampioni i Spanjës u befasua pasi pas një tollovia të krijuar në zonë, Javier Mascherano shënoi autogol për rezultatin 2:0.
Kjo disi i nervozoi katalunasit që pranuan golin e tretë vetëm dy minuta më vonë, Divock Origi shënoi për 3:0, duke shokuar kështu ekipin e Luis Enriques.
Krejt në fund, i riu Marko Grujic shënoi një gol të bukur për rezultatin përfundimtar 4:0. Edhe përkundër se vetëm miqësore, kjo është një fitore e madhe për Liverpoolin para fillimit të sezonit të ri në Premierligë. Kujtojmë se Mane ishte lojtari i ndeshjes, ai bëri paraqitje fantastike ndaj Barcelonës./Express/
