Pesë persona të tjerë u arrestuan gjatë natës në Francë pas vrasjes së një mësuesi historie pranë një shkolle në periferi të Parisit, duke e çuar numrin e përgjithshëm të të paraburgosurve në 9, tha një burim gjykate sot.
Midis pesë të arrestuarve janë prindërit e studentit që dyshohet si autor i krimit, i cili studionte në shkollën Conflan St. Honorin ku mësuesi jepte mësim.
Çifti i bashkëshortëve kishin kishin një mosmarrëveshje me mësuesin për skicat e Muhamedit që ai kishte treguar në klasë.
Tre të tjerët nga pesë të arrestuarit nuk ishin anëtarë të familjes së autorit të krimit.
Katër persona, përfshirë një të mitur që i përkiste familjes së autorit të krimit, ishin arrestuar më herët në Evre, në Francën veriperëndimore.
Identiteti i autorit të vrasjes, mbi të cilin u gjet një dokument identifikimi, u konfirmua nga hetuesit, sipas të njëjtit burim gjyqësor.
Bëhet fjalë për një 18-vjeçar rus me origjinë çeçene, Abulak A., i cili ka lindur në Moskë.
Ai kishte një histori të së drejtës penale, por nuk dihej radikalizimi.
Për skicat e Muhamedit
Ironia tragjike është se mësuesi që ra viktimë e fanatizmit mysliman, gjatë trajtimit të temës së “lirisë së mendimit” kishte treguar karikaturat e profetit Mohamed nga Charlie Hebdo .
Sipas mediave ndërkombëtare, emri i profesorit fatkeq ishte Samuel Patti.
Redaktorët e revistës Charlie Hebdo në një deklaratë zyrtare shprehën revoltën e tyre për aktin barbar.
“Intoleranca sapo ka kapërcyer një prag të ri dhe duket se nuk ndalet nga asgjë për të imponuar terrorin e saj në vendin tonë.
Shoqata Kombëtare e Arsimit të Mesëm në Francë u bëri thirrje anëtarëve të saj të mbajnë një minutë heshtje në shkolla në kujtim të kolegut të tyre të vrarë dhe në mbështetje të të gjithë kolegëve, të nxënësve dhe prindërve.
Vrasja e tmerrshme po hetohet nga Prokuroria e Kundër Terrorizmit, e cila në njoftimin e saj thekson se ka nisur një hetim paraprak për “vrasje në lidhje me një operacion terrorist” dhe “krijimin e një bande kriminale, terroriste”.
Ministri i Brendshëm Geral Darmanen, i cili ndodhej në Marok për një vizitë zyrtare, vendosi të kthehej menjëherë në Paris.
Presidenti francez nga ana tjetër foli për terrorizmin islamik, duke shtuar se terrorizmi “nuk do të vazhdojë”.
