Një natë më parë militantët e PD-së u përplasën me policinë pasi tentuan të sulmonin KZAZ-në numër 19 në qytetin e Peshkopisë.
Opozita akuzoi policinë për dhunë nga ana e forcave të rendit por në videon që disponon “Javanews” shihet qartë që militantët e PD-së sulmojnë fizikisht përfaqësues të policisë, të cilët janë në krye të detyrë për të mbrojtur KZAZ-në nr. 19 në qytetin e Dibrës.
Ish-deputeti i PD-së Xhemal Gjunkshi, bëri thirrje për qetësi po në fakt këto pamje tregojnë të kundërtën. Përmes njerëzve të tij ai ka nxitur dhunën dhe është përplasur me policinë.
Përplasjet kanë vijuar deri vonë ku pati disa të plagosur. Për shkak të situatës së tensionuar, policia u detyrua që të hidhte gaz lotsjellës për të shpërndarë turmën.
Si pasojë e sulmeve dhe përdorimit të gazit lotsjellës mbetën të lënduar 6 policë dhe 15 protestues të cilët kanë marrë ndihmën mjekësore në spital.
g.kosovari
