Ndërsa po qëndron në Kosovë për festimet e 20-vjetorit të bombardimeve të NATO-s, Presidenti amerikan, Bill Clinton, ka pasur kontakt me disa qytetarë në rrugët e Prishtinës.
Clinton ka marrë shumë përqafime nga kosovarët.
Sekretari i Clintonit, Angel Urena ka publikuar edhe një video në të cilën dëshmohet edhe një herë dashuria e madhe ndaj Clintonit dhe Shteteve të Bashkuar nga qytetarët e Kosovës.
Në videon e tij shihen shumë qytetarët duke përshëndetur Bill Clinton e aty është edhe një i moshuar me plis, i cili e përqafon me shumë entuziazëm ish-presidentin.
Ish presidenti Clinton dhe ish sekretarja amerikane e shtetit, Madeleine Albright, po qëndrojnë në Kosovë për të marrë pjesë në veprimtaritë me të cilat pritet të shënohet 20 vjetori i hyrjes së trupave të NATO-s, që i dhanë fund luftës gati dyvjeçare dhe administrimit serb të Kosovës.
Roli i të dy zyrtarëve amerikanë vlerësohet vendimtar për ndërhyrjen e NATO-s 20 vjet më parë dhe hapjen e rrugës për pavarësinë e Kosovës.
Out for an afternoon walk in downtown Pristina. A 2018 worldwide Gallup poll found the United States enjoyed more public support in Kosovo—75%—than in any other country. That’s in large part due to President @BillClinton’s involvement here. pic.twitter.com/fGsIOJ0kzH
— Angel Ureña (@angelurena) June 11, 2019
g.kosovari
