Një zyrtar i lartë ushtarak ukrainas tha se ishin forcat e armatosura të Kievit që goditën bazën ushtarake ruse në Krime, raporton “New York Times”.
“Ishte një bazë ajrore nga e cila avionët niseshin rregullisht për sulme ndaj forcave tona në teatrin jugor,” tha në Twitter, Zëdhënësi presidencial Mykhailo Podolyak.
“E ardhmja e Krimesë do të jetë të jetë një perlë e Detit të Zi, një park kombëtar me një natyrë unike dhe një destinacion turistik botëror. Nuk është një bazë ushtarake për terroristët. Ky është vetëm fillimi”, shkroi ai.
Ndërkohë, si pasojë e sulmit raportohet se deri më tani një person ka vdekur dhe disa tw tjerë janë plagosur sipas autoriteteve lokale.
Kreu i Krimesë i emëruar nga Rusia, Sergei Aksyonov, shkroi në Telegram më 9 gusht se një person u vra dhe shprehu ngushëllime për familjarët, por nuk e identifikoi viktimën. Ndërkaq, zyrtarët lokalë shëndetësor thanë se janë lënduar pesë persona, në mesin e tyre një fëmijë. Ndërsa Ministria ruse e Mbrojtjes tha në një deklaratë më herët se shpërthimi i municioneve të aviacionit shkaktoi shpërthimin, por nuk dhanë më shumë detaje.
