Humb tragjikisht jetën në skenë këngëtarja e njohur spanjolle, 30 vjeçe.
Ajo u godit nga efektet speciale të fishekzjarrëve, në kohën që po performonte në skenë.
Këngëtarja e njohur, ylli i popit në Spanjë, Joana Sainz, 30-vjeçe pjesë e Orkestrës Super Hollywood, e cila ka 15 anëtarë, ku përfshihen këngëtare, valltarë dhe bateristë, po performonte mbrëmë në Las Berlanas në Avila.
Ajo u godit në pjesën e barkut nga fishekzjarrët e dendur që ishin pranë skenës.
E reja u dërgua në spital, por ndërroi jetë pa mbërritur atje.
Performanca “live” u pezullua pas tragjedisë, e cila ndodhi rreth orës 02.00 të mbrëmjes.
