Këtë sezon Juventusi pavarësisht triumfit në kampionat, nuk arriti ta mbyllte me entuziazmin e duhur teksa bardhezinjtë u eliminuan në çerekfinalet e Ligës së Kampioneve, që ishte dhe objektivi kryesor i sezonit.
Megjithatë, ‘Zonja e Vjetër’ duket se këtë vit ka fituar një talent, i cili e ka treguar veten e tij sa herë është aktivizuar dhe nëse punon me kokën ulur mund të bëhet një nga më të mirët e rolit të tij. Fjala është për Moise Kin.
Për sulmuesin italian mjaftuan disa minuta për të rrëmbyer skenën, teksa me golat e tij ka joshur shumë klube brenda dhe jashtë Serisë A. Megjithatë, Juventusi nuk aspak ndërmend ta humbasë, duke i përgatitur një rinovim me katërfishin e rrogës aktuale.
Ndërkohë, Kin në një rrëfim ka treguar se si ka nisur rrugëtimi i tij për në botën e futbollit profesionist. Nga vjedhja e topit të priftit, te ndeshjet në asfalt dhe debutimi emocionues në moshën 16-vjeçare me Juventusin.
“Jam rritur në Asti, një vend afër Torinos. Nëse doje të luaje futboll në lagjen tonë atëherë gjithnjë mund të gjeje një top në zyrën e priftit pranë shtëpinë tonë. Prifti ishte i mirë dhe asnjëherë nuk e kyçte derën. Kështu, sa herë e humbisja topin, hyja fshehurazi në zyrën e priftit dhe merrja topin. Luaja futboll në asfalt, 6 kundër 6. Çdo lojtar duhet të paguante 10 euro për të luajtur. Gjithë javës lutesha, vidhja, merrja borxh vetëm që të luaja në fund tarifën. Skuadra që fitonte merrte të gjithë shumën.
Ishte një betejë, nëse rrëzoheshe duhej të ngriheshe dhe të bëje sikur nuk kishe gjë, që njerëzit të mos talleshin. Kështu mësova të luaj futboll. 16-vjeç dita kur debutova me Juven ishte dita kur jeta ime ndryshoi. Kur u futa në fushë zemra më rrihte fort dhe kujtova ato që kisha kaluar. Tani falënderoj Zotin çdo ditë që e vidhja topin nga zyra e priftit”, përfundoi rrëfimin Kin.
