Kryeministri Edi Rama pasi ka inauguruar ditën e sotme nisjen e punimeve në stadiumin “Loro Boriçi” në Shkodër ka bërë publik edhe pamjen që do të ketë stadiumi i ri.
Përmes një video të publikuar në rrjetet sociale, bëhet publike fytyra e re e “Loro Boriçit” me një ambient tërësisht të rinovuar dhe modern. Shtëpia e dytë e kombëtares shqiptare por edhe një stadium i mirëfilltë për sportdashësit shkodranë pritet të përfundojë përpara ndeshjes së kthimit mes Shqipërisë dhe Serbisë.
Kjo u theksua ditën e sotme edhe nga kryeministri Rama i cili nënvizoi se pas Shkodrës radhën e ka stadiumi “Qemal Stafa”.
“Ja si do të shkëlqejë mes stadiumeve më të bukur të rajonit stadiumi që mban emrin e Loro Boriçit, legjendës shkodrane dhe kuqezi të futbollit, që nga zemra e Shkodrës do të përcjellë jehonën e pasionit e të krenarisë për ngjyrat e Kombëtares, por edhe për Vllazninë që pas dhjetra vjetësh do të luajë më në fund, në një stadium të denjë për historinë e vet të jashtëzakonshme e për ambicien sportive të shkodranëve të dashuruar pas fanellës së saj.” shkruan Rama
Redaksia Online
(JavaNews.al)
Stadiumi ShkodresJa si do të shkëlqejë mes stadiumeve më të bukur të rajonit stadiumi që mban emrin e Loro Boriçit, legjendës shkodrane dhe kuqezi të futbollit, që nga zemra e Shkodrës do të përcjellë jehonën e pasionit e të krenarisë për ngjyrat e Kombëtares, por edhe për Vllazninë që pas dhjetra vjetësh do të luajë më në fund, në një stadium të denjë për historinë e vet të jashtëzakonshme e për ambicien sportive të shkodranëve të dashuruar pas fanellës së saj.
Posted by Edi Rama on Sunday, May 3, 2015
