Gjatë protestës së kësaj të hëne tek parku i liqenit deputetët e PD kanë ushtruar dhunë fizike mbi efektivët e policisë së rendit të pranishëm për mbarëvajtjen e protestës së paralajmëruar. Ata janë përpjekur të futen me forcë për të mos lejuar vijimin e punimeve për ndërtimin e këndit të lojërave tek liqeni artificial.
Ka qënë deputeti Flamur Noka i cili është filmuar nga kamera e Report TV duke goditur dhe shtyrë me forcë efektivët të cilit po pengonin hyrjen në kantierin ku po ndërtohet.
Ndryshe nga herët e tjera përballë qytetarëve nuk kanë qenë policët bashkiakë, por forcat speciale të cilët mbërriten aty me përkeqësimin e situatës. Më herët deklarata të forta u bënë edhe nga kreu i grupit parlamentar Edi Paloka i cili i cilësoi policët si mbrojtës të krimit dhe i kërcënoi ata me faktin se do të përgjigjen ndaj kësaj që po bëjnë.
Shqiptarja.com
