Fundjavën që lamë pas kryeministri Rama zgjodhi Korçën për të mbyllur turin e Llogaridhënies Publike, e cila nisi disa muaj më parë dhe vijoi në shumë qytete të Shqipërisë.
Ndërsa sot me anë të një postimi në Facebook, Rama publikon me video efektet e këtij turi dhe rezultatet e “bashkëqeverisjes”.
Teksa publikon videon, ku janë zgjidhur problemet e qytetareve, Rama e quan dëshmi dhe me të uron të gjithë ndjekësit për një ditë të mbarë.
“MIRËMËNGJES
dhe me këtë dëshmi nga shumë të tilla gjatë fushatës së Llogaridhënies Publike, duke përshëndetur të gjithë ata që e kanë aq kollaj të shajnë, tallen, shpotisin e përqeshin përpjekjen aspak të lehtë, por këmbëngulëse për t’i dhënë qeverisjes përmasën e halleve e shpresave të njerëzve të zakonshëm, ju uroj të gjithëve një ditë të mbarë”, shprehet kryeministri.
/a.m.
