Një video është bërë virale në mbarë botën, pas rrëzimit në Kazakistan të avionit me 67 persona në bord, 29 prej të cilëve mbijetuan mrekullisht.
Në video bëhet fjalë për momentin kur një pasagjer i lutet Zotit kur avioni ishte në ajër përpara rrëzimit, por nuk kishte informacione më pas çfarë po ndodhte me të.
Ndërsa të enjten në orët e mbrëmjes, janë publikuar pamjet e reja të këtij personi i cili pasi ka dalë nga avioni i rrëzuar, ecën me këmbët e tij, ndez telefonin dhe bën një video të re duke falënderuar Zotin.
“Ndoshta zotëria edhe mund të mos kishte shpëtuar pasi në raste të rrëzimit të avionëve probabiliteti anon nga fatkeqësia dhe jo mrekullia, por ata shprehin respekt për gjestin e pasagjerit i cili në ato çaste kur jeta e tij dukej se ishte drejt fundit, donte që lamtumirën e fundit nga kjo botë ta ndante me Zotin”, shkruajnë komentuesit, raporton A2 CNN.
Kujtojmë se avioni i rrëzuar në Kazakistan ishte nisur nga kryeqyteti i Azerbajxhanit, Baku, për në Rusi dhe ka dyshime se ai mund të ketë rënë pas një sulmi të mundshëm.
