Italia është mbërthyer nga moti i keq që pritet të vijojë për disa ditë.
Shirat e dendur dhe rrebeshet kanë alarmuar autoritetet në Kalabri, Bazilikatë dhe Siçili, shkollat qëndrojnë mbyllur në qytetet Taranto, Leçe, Brindisi, Napoli dhe Venecie, ndërsa qarkullimi i trenave po has vështirësi në të gjithë vendin.
Në skajin veriperëndimor, Venecia raporton se niveli i ujit ka prekur pikën më të lartë të 50 viteve të fundit.
Meteorologët druhen se sistemet e kullimit nuk do i bëjnë ballë fryrjes së dallgëve të Adriatikut dhe baticave që rrezikojnë të përmbytin 70 për qind të sipërfaqes së qytetit brenda së mërkurës.
Kushtet e këqija atmosferike me origjinë nga Afrika Veriore goditën të hënën pjesët jugore të Italisë.
Dëme të mëdha raportoi rajoni puljez i Salentos, ku shirat me breshër prishën të mbjellat.
Më në veri, moti u shoqërua me rrëshqitje tokash dhe përmbytje.
Gjatë javëve në vazhdim, reshjet atmosferike dhe stuhitë me shi pritet të përshkojnë gradualisht Ballkanin, Spanjën e Francës, ndërsa verilindja e Europës do të regjistrojë temperatura të ulëta njëshifrore.
g.kosovari
