Në një video të regjistruar nga disa rezidentë që si gjithmonë në mesnatë janë çuar nga shtrati për shkak të të bërtiturave që vinin nga rruga, është e qartë vetë finalja e ‘filmit’, momenti kur një grup të huajsh bërtasin “ikni, ikni”, ndërsa po vinte policia.
Tregtarë dhe rezidentë të ndryshëm kanë asistuar në një skenë, një agresion brutal ndaj një të riu me shufra hekuri, edhe pse dikush thotë se ka parë edhe një thikë.
NGJARJA
Është ora 23:30, gati mesnata e së shtunës. Një i ri shqiptar që jeton në lagje vë re se është zhdukur biçikleta e së fejuarës. Kështu vendos të bëjë një xhiro dhe në parkun “22 prilli” e gjen. Por, mbi biçikletë është një i huaj, maroken, në dukje i dehur dhe në shoqërinë e bashkatdhetarëve të tjerë.
Viktima e grabitjes kërkon thjesht që t’i kthehet menjëherë biçikleta, duke e kuptuar megjithatë se nuk ndodhej përpara bashkëbiseduesve të arsyeshëm.
Në përgjigje grupi i të huajve, katër ose pesë, e kërcënojnë dhe më pas nxjerrin zinxhirë dhe mjete të tjera hekuri.
Shqiptari e kupton se ndodhet në rrezik dhe fillon të vrapojë, deri sa arrihet nga agresorët në brendësi të zonës së shërbimit në rrugën “Canaleto” dhe goditet në vazhdimësi nga të gjithë të huajt. Njëkohësisht një spektator, që kishte mbërritur në vend për të furnizuar makinën mbyllet në makinë dhe bërtet “ndihmë’.
Disa rezidentë dhe klientët e picerisë në rrugën “Gramsci” janë duke e parë ngjarjen dhe lajmërojnë policinë.
Më pas në vendngjarje mbërrijnë forcat e rendit. Agresorët ia mbathin kush nga njëra anë e kush nga një anë tjetër duke u shpërndarë nëpër natë. Në qendër të karburantit mbetet vetëm shqiptari i plagosur që iu tregon gjithë ç’ndodhi policëve.
Tashmë hetimet për agresionin janë duke u kryer, por një tjetër rezident thotë: Nuk dua të bëj debat, jetoj këtu prej vitesh por dhuna që ka shpërthyer në lagje nuk mund të tolerohet më: na ka frikësuar. Vetëm të premten pasdite kanë zbritur në rrugë 30 policë, duke ndaluar shpërndarës droge dhe duke sekuestruar drogë. Por çdo ditë përsëritet i njëjti skenar. /ma.me
