Interi e ka shkatërruar Atalantan në “Giuseppe Meazza”, duke e mposhtur 7:1
Interi ka dhuruar spektakël për gjithë të pranishmit në “Giuseppe Meazza”. Djelmoshat e Stefano Piolit e kanë shkatërruar Atalantan, duke e mposhtur 7:1, shkruan Gazeta Express.
Kjo është një ditë për t’u harruar nga portieri i Kombëtares shqiptare, Etrit Berisha, i cili u detyrua shtatë herë të nxjerrë topin nga porta e tij.
Në këtë ndeshje shkëlqyen sulmuesi Mauro Icardi dhe mesfushori Ever Banega, të cilët realizuan het-trik. Icardi shënoi në minutat (17’, 23’ dhe 26’), derisa Banega (31’, 34’ dhe 68’), kurse golin tjetër e shënoi mesfushori Roberto Gagliardini (52’).
Derisa golin e vetëm për mysafirët e shënoi Remo Freuler në minutën e 42’të.
Pas kësaj fitore, Interi ka kaluar Atalantan në renditje. Ekipi i Piolit tani gjendet në pozitën e katërt me 54 pikë të grumbulluara, duke lënë Atalantan në pozitën e gjashtë me 52 pikë. /Express/
