Ishte vitit i largët 1966 kur Inter kishte arritur të fitonte 6 javët e para të kampionatit në Itali.
Kështu ndodh edhe në vitin 2019, teksa zikaltrit morën tre pikë në fushën e Sampdorian, pasi fituan me rezultatin 3-1.
Inter “rikthen” Alexis Sanchez dhe ngjitet përsëri në krye. Skuadra zikaltër ka shkërmoqur me rezultatin e thellë, Sampdorian në transfertë, duke dëshmuar se është e gjitha në garë për titull.
Një super Alexis Sanchez në pjesën e parë bëri që Inter ta kishte të lehtë rrugën drejt suksesit. Kiliani devijoi saktë me shpinë një goditje të Sensi, duke i dhënë avantazhin Interit. Gjithsesi, ende pa kaluar festa e golit, Sanchez shënon të dytin. Ishte sërish dyshja, Sensi-Sanchez që bashkëpunojmë, me VAR që lë në fuqi golin.
Me rezultatin 2-0, Inter shkon e qetë drejt dhomave të zhveshjeve, por e njëjta gjë nuk mund të thuhet në nisje të fraksionit të dytë. Sanchez kërkon të bëj heroin, por rrëzimi i tij në zonë cilësohet si stimulim dhe gjyqtari nuk e fal. Karton i verdhë, i dyti dhe Inter është me 10 lojtarë. Nga kjo kërkon të shpresojë Sampdoria, e cila ëndërron për pak momente.
Jankto ngushton shifrat dhe Samdporia shpreson te pikët. Gjithsesi, një gol i Gagliardini në minutën e 61-të sigloi fitoren e gjashtë zikaltër në kampionat dhe vendin e parë në Seria A me 18 pikë. Pas tyre renditet Juventusi, kundërshtari i javës së ardhshme në “Giuseppe Meazza”.
g.kosovari
