Interi i Antonio Contes e ka nisur me marshin e katërt sezonin e ri të Seria A. Zikaltërit mposhtën pa shumë vështirësi, 4-0 të rikthyerit në elitën e futbollit italian, Leccen. Në “Giuseppe Meazza”, dominimi i vendasve ishte i frikshëm.
Topi dhe rastet ishin të shumta për milanezët, por duhej të vinte një perlë e Marcelo Brozovic për të shkundur publikun. Kjo i dha më shumë zemër, Interit, me Sensin që tre minuta më vonë shënoi për 2-0. Me ketë rezultat u mbyll pjesa e parë, ndërsa e dyta nisi praktikisht me gol.
Vetëm 60 minuta iu nevojiten Romelu Lukaku për të shënuar golin e parë në Seria A. Belgu nuhati një goditje të fortë të Martinez dhe grushtimin e Gabriel e dërgoi në fundin e rrjetës. Takimi mes Interit dhe Lecces u mbyll ashtu siç nisi, me një perlë. Këtë herë, autor ishte Antonio Candreva, i cili nga rreth 30 metra lëshoi një silurë që u ndal vetëm në fundin e rrjetës.
Kjo fitore e ngjet Interin në vendin e parë të klasifikimit me 3 pikë, me golavarazh më të mirë se ndjekësit, plus 4. Duhet të kujtojmë që Lecce e mbylli me 10 lojtarë, pas largimit me karton të kuq të Farias. Në javën e ardhshme, Inter është mysafir i Cagliarit, ndërkohë që Lecce pret në shtëpi Veronën.
g.kosovari
