Interi ka mposhtur Veronën me rezultatin 2-1 në San Siro dhe ngjitet përkohësisht në krye të renditjes. Ishte një ndeshje tepër e vështirë për vendasit pasi ishte Verona ajo që kaloi e para në avantazh, por falë dy golave në pjesën e dytë, zikaltrit kanë përmbysur gjithçka.
Ishte Vecino ai që barazoi rezultatin në të 65’ me një goditje të bukur në portë dhe Interi mori zemër duke sulmuar me më tepër agresivitet. Në minutën e 83’ erdhi goli i mrekullueshëm i Nicolo Barella-s nga distanca. Mesfushori ka lëshuar një perlë duke gjetur trekëndëshin e djathtë. Zikaltrit kanë ruajtur avantazhin duke marrë tri pikë të arta që e dërgojnë në krye të renditjes së Serie A.
g.kosovari
