Përmes një postimi në rrjetin e tij social, Ministri i Shëndetësisë Ilir Beqaj ka shfaqur historinë e Kastriot Gurrës, njëri prej 30 pacientëve që kanë përfituar nga programi i qeverisë për realizimin falas të koronarografisë.
“Pacientë shqiptarë nuk i drejtohen më spitaleve private apo të ikin jashtë vendit me shpenzimet e tyre për kryerjen e ndërhyrjeve në zemër. Ato realizohen #FALAS në sistemin publik dhe privat me anë të financimit publik.
Kastriot Gurra është një prej 30 pacientëve të parë që kanë realizuar #FALAS dhe me sukses të plotë koronarografinë në spitalin Rajonal të Shkodrës.
Tre vjet më parë, ky shërbim që po ofrojmë sot ka qenë i paimagjinueshëm, ndërkohë që ndërhyrjet që kemi realizuar e kanë shkurtuar ndjeshëm kohën e pritjes për kryerjen e koronarografisë nga 6 muaj, në 2 javë.
Falë investimit prej 75 milionë lekë në Repartin e Kardiologjisë, Shkodra bëhet kështu i vetmi spital jashtë Tiranës (përfshi edhe spitalet jopublike) që ofron këtë shërbim për pacientët me zemër, në ndryshim nga të gjithë qytetet e tjera të Shqipërisë.”– shkruan Beqaj./java/ak
