Një pikë karburanti në aksin rrugor Lezhë-Shkodër është grabitur nën kërcënimin e armëve në orët e para të mëngjesit të sotëm.
Dy persona të paidentifikuar kanë dhunuar punonjësin e karburantit Lek Perkeqi dhe më pas kanë marrë mbi 100 mijë lekë të reja, e cila ishte xhiroja ditore e pikës së karburantit.
Punonjësi i karburantit Lekë Perkeqi është dërguar me urgjencë në drejtim të spitalit, pas lëndimeve të marra nga grabitësit.
Report TV ka transmetuar videon e grabitjes.
Autorët janë dy persona të maskuar, njëri me kallashnikov, tjetri mban në dorë një levë hekuri.
Në pamje duket qartë kur grabitësit futen në ambientet e brendshme të karburantit dhe godasin me sende të forta një prej rojeve.
Shqiptarja/d.i.
