Në histori si në filma… Mediat italiane kanë publikuar një video, teksa një hajdut shqiptar rrihet barbarisht nga disa kinezë.
Bëhet fjalë për 22-vjeçarin Ergis Toma, i cili është i arrestuar tani për vjedhje.
I riu shqiptar kishte futur në një apartament dhe kishte marrë 2500 euro. Poshtë apartamentit ndodhej dhe një restorant kinez, ku tre punonjës e kanë pikasur shqiptarin dhe e kanë ndjekur.
Pasi e kanë kapur, në rrahje kanë marrë pjesë dhe 4 kinezë të tjerë. Për 7 minuta ata e kanë rrahur shqiptarin aq keq, sa që kur erdhi policia, i riu shqiptar ishte mbuluar i gjithi në gjak.
Sipas mediave italiane ata vunë “drejtësinë” vet në vend. Shqiptari në polici më pas deklaroi se ishte rrahur nga një bandë kineze, por prokurorët nuk i besuan versionit të tij. /Klan/a.m.
