Vijon akisoni për zbrazjen e Teatrit Kombëtar, teksa një pjesë e artistëve vijojnë rezistencën dhe pas konfrontimit me forcat e rendit, arritën që të futen në godinën e Teatrit, por ambientet e brendshme janë lënë pa energji elektrike.
Siç shihet nga pamjet, ambienti ku po qëndronin të ngujuar artistët është lënë në terr të plotë.
Pavarësisht vështirësive, artistët kanë vijuar të qëndrojnë brenda godinës me elektrik dore dhe ndriçimin e celularëve.
Mëngjesi i kësaj të mërkure është vëne re një prani e shtuar e forcave të rendit, duke krijuar një situatë të tensionuar pasi artistët janë irrituar.
Nuk kanë munguar debatet verbale mes artisteve dhe policisë.
I pranishëm ioshte edhe kryedemokrati Lulzim Basha, por ai është larguar nga Teatri Kombëtar pasi është shprehur se nesër do të firmoset marrëveshja me Teatrin Kombëtar.
Basha shpjegoi se po largohet me një drekë me diplomatët pavarësisht se ishte shprehur se do të qëndronte deri në fund me artistët.
“Nesër firmoset marrëveshja mes PD dhe Teatrit Kombëtar.Po largohem se kam një takim me kryetarët e bashkive dhe një drekë me diplomatët. Mbështetja jonë do të vazhdojë”, tha Basha.
g.kosovari
