VIDEO/ Gazetarit i bien të mbathurat para Metës
Kryetari i LSI, Ilir Meta është fotografuar dje teksa lahej në detin Jon bashkë me kryetarin e PDSH në Maqedoni, Menduh Thaçi. Të dy politikanët ndodhen në Jalë, ku Meta prej vitesh është stacionuar në këtë plazh, kjo dhe për shkak të Lëvizjes Rinore të Integrimit (LRI) që aktivitetet më të shumta të argëtimit i zhvillon në këtë zonë bregdetare.
Juve prej dy ditësh gjendeni në Jalë me pushime. Keni braktisur Lalzin me sa po kuptoj?
Meta: Nuk është braktisje, por është një mundësi shumë e mirë për të mos shijuar vetëm Adriatikun, por edhe Jonin.
Adriatikun dhe ecjen. Jonin me sa po shikoj dhe po ju ndjek, ka disa minuta që së bashku me zotin Thaçi po e shijoni notin…
Meta: Po është një kënaqësi e veçantë që sot kam edhe mikun tim z. Thaçi i cili është i apasionuar kaq shumë pas detit Jon dhe po e shijon besoj këtë ditë.
Me sa di Doktori e ka zëvendësuar rekordin e notit me ecjen në Lalëz. Po ju e keni tentuar këtë rekord apo s’ju pëlqen?
Meta: Jo nuk tentoj t’i thyej asnjë rekord Doktorit. Për mua është i paarritshëm dhe i respektueshëm gjithmonë.
Një përshtypje z. Thaçi, si po ju duken pushimet në detin Jon?
Thaçi : Sot jam këtu me paret e zotit Meta dhe deshi të më kursejë. Sot është herë e parë që shijoj Jonin.
Është hera e parë?
Thaçi : Po hera e parë dhe ishte insistimi i z. Meta që të vij këtu se disa herë kam qenë edhe në Lalëz, edhe në vende të tjera. Këtu është deti i pastër, kënaqësi e jashtëzakonshme dhe do u kisha thënë prej këtu të gjithë shqiptarëve të vijnë ta shijojnë këtë det. Kam qenë në vende të ndryshme, në Turqi, Antalia, por kjo bukuri nuk ekziston askund.
Presidenti juaj prej një jave qëndron këtu dhe është duke e shijuar…
Thaçi : Sigurisht edhe presidenti dhe të tjerët do të ishte shumë mirë të ishin këtu. Kushtet janë fenomenale, deti është i jashtëzakonshëm. Ka ndryshuar gjithçka. Nuk është ajo që ka qenë para një dekade. Siguria është e plotë dhe këtu njerëzit do të ndiheshin shumë mirë.
Uroj të kaloni shumë bukur.
Thaçi : Po, po, edhe juve dhe hiqeni kanatieren dhe hidhuni.
Po, po, atë po prisja. Unë u bëra serioz për ju. Mezi po prisja. (Hidhet, por i ulen mbathjet)
Meta: S’ka problem, nga transparenca s’ka asgjë të keqe./ ABC NEWS
