Pamjet e reja të mahnitshme me dron të “gojës” së vullkanit Kilauea të Hawaii kanë zbuluar shkallën e dëmeve të shkaktuara nga shpërthimet që kanë rrënuar banorët e ishullit të Paqësorit.
Video tregon një avull të nxehtë rreth kraterit të Halemaumës. Krateri gjithashtu tregon shenja të kolapsit.
Studiuesi i USGS Kyle Anderson beson se rrënojat e bllokuara në krater mund të shkaktojnë shpërthime më të mëdha. “Është gjithashtu e mundur që gryka mund të bëhet e bllokuar përgjithmonë, duke i dhënë fund shpërthimeve tërësisht” , tha ai.
Sipas ekspertëve në Institutin Gjeologjik të SHBA, shpërthimet kanë zgjeruar kraterin me 10 herë madhësinë e tij origjinale në muajin e kaluar. Gryka tani mendohet të jetë rreth 120 hektarë – kjo ka të bëjë me madhësinë e 90 fushave të futbollit amerikan.
Vullkani i Kilauea ka shkatërruar më shumë se 80 shtëpi që nga shpërthimi i parë katër javë më parë. USGS vlerëson se rrjedha e llavës ka mbuluar një sipërfaqe të barabartë me 5,5 kilometra katrorë – rreth katërfishin e madhësisë së Parkut Qendror të Nju Jorkut./a.ç
