Publikohen pamjet nga Policia greke, të kamerave të sigurisë që kanë filmuar metodën që përdornin anëtarët e bandës shqiptare në Athinë të cilët grabisnin udhëtarët në stacionet e metrosë dhe në aeroport.
Në dosjen hetimore thuhet se anëtarët e bandës përziheshin në turmën e qytetarëve dhe u vidhnin atyre portofolat, celularët dhe sende të tjera personale. Por kjo gje dallohet qarte edhe ne videon me poshte:
Në video shihen personat me rreth të kuq, të identifikuar nga policia greke si anëtarë të bandës. Dje u raportua se të gjitha veprimet e anëtarëve të bandës mbikëqyreshin nga drejtuesja e tyre, 36-vjeçarja shqiptare e quajtur Fatmira Cami.
Ajo përdor edhe dy emra të tjerë, Romina dhe Antonia. Tashmë e reja ndodhet ne burg.
Në këtë bandë të përbërë nga 49 anëtarë ku shumica janë shqiptarë, Fatmira drejtonte së bashku me një 32-vjeçar shqiptar. Prej 10 vitesh, banda e grabitësve funksiononte në mënyrë aktive.
Policia ka publikuar edhe fotot e anëtarëve të bandës, tashmë të arrestuar. Hetuesit grekë thonë se deri tani janë dokumentuar 700 vjedhje, ndërsa dyshohet se ka kryer 4 mijë raste të vjedhjeve.
Fatmira paguante edhe disa efektivë policie të korruptuar për t’u siguruar mbrojtje anëtarëve të tjerë.
