Një përplasje me armë zjarri mes bandave ka shkaktuar një tragjedi të vërtetë në Kavajë. Raportohet se një person ka humbur jetën nga shkëmbimi i zjarrit dhe 7 të tjerë kanë mbetur të plagosur.
Gjashtë nga të plagosurit janë dërguar në spitalin e Durrësit dhe janë jashtë rrezikut për jetën, ndërsa i shtati është transportuar në Tiranë në gjendje të rëndë.
Nga informacionet e para mësohet se shtatë të plagosurit, ashtu si viktima nuk kishin lidhje me ngjarjen, pasi ishin kalimtarë të rastit.
Për këtë ngjarje janë ndaluar katër persona para xhamisë në qendër të qytetit, ndërkohë policia dhe grupi hetimor po punojnë për zbardhjen e plotë të ngjarjes.
Policia ka shkuar në vendin e ngjarjes dhe ka nisur hetimet. Në qytet dhe rrugët hyrëse e dalëse janë ngritur postblloqe dhe jane ndaluar nderkohe dy persona.
g.kosovari
