Një person i pastrehë ka dhunuar një police në lagjen kineze të San Franciskos, pasi efektivja ka dashur ta arrestojë atë.
Ngjarja është filmuar nga kalimtarët të cilët e kanë ndihmuar policen duke e larguar nga i pastrehuar që po përdorte dhunë kundrejt saj. Efektivja do e arrestonte burrin pasi ai kryente veprime vandale dhe bënte thirrje raciste.
Në video duket momenti kur efektivja i afrohet burrit dhe tenton ti vendose atij prangat, por ai i bën rezistencë, e kap dhe e hedh në tokë.
U desh ndërhyrja e kalimtarëve që të ndihmojnë oficeren e policisë e cila kishte përfunduar poshtë trupit të madh të burrit që po e rrezikonte ta mbyste. Pak më pas mbërritën dhe forcat përforcuese për ta arrestuar të pastrehuarin. Ende nuk është identifikuar se kush është i pastrehuari, por sipas dëshmitarëve ai kishte qenë aty duke bëri thirrje raciste. Madje kishte refuzuar dhe të largohej pavarësisht paralajmërimeve të policisë. /m.j
View this post on Instagram
