Një aksident i rëndë me pasojë vdekjen e një personi rreth të 60-ave ndodhi në mbrëmje në aksin rrugor Tiranë-Durrës.
Viktima ishte duke kaluar në anën tjetër të rrugës teksa u përplas për vdekje. Një video e shpërndarë nga harta dixhitale e aksidenteve tregon trupin e dëmtuar mjaft rëndë nga goditja.
NJOFTIMI I POLICISE:
Më datë 17.10.2016, rreth orës 19:05, në Autostradën Tiranë-Durrës, pranë një qendre tregtare, një automjet me targa AA 730 MP që drejtohej nga shtetasi A. M., ka aksidentuar këmbësorin e seksit mashkull, rreth 60 vjeç, i cili ka ndërruar jetë në moment si pasojë e plagëve të marra.
Grupi hetimor po punon për identifikimin e viktimës dhe zbardhjen e rrethanave të aksidentit. Drejtuesi i mjetit është ndaluar në flagrancë dhe është shoqëruar nga shërbimet e Qarkullimit Rrugorë Tiranë./a.m.
